Куланактагы тоо чана

Нарын районуна караштуу Куланак айылынын жаштары 4 сарай чөлкөмүнө барып, жылгаяк тебишет. Бирок быйылкы жылы кар аз жааганга байланыштуу, жылгаяк тебүүдө тосколдуктар жаралууда

Даярдагандар: Сайкал Эрнисбек кызы
Жамила Калдарова

Дүйшөнбек атын эл билбейт

Нарын районуна караштуу Куланак айылынын тургуну, «Жылдын мыкты ишкери — 2019» наамынын ээси, күн — түн дебей кызматта болгон жеке ишкердин аты Дүйшөнбек.Бирок эч ким Дүйшөнбек аты менен аташпай Душка дешет.

Жолдо калган айдоочуларга кызмат көрсөтүп келген жеке ишкер Дүйшөнбек Бейшеналиевтин дөңгөлөк желимдөөчү жайы 24 саат бою кызматта. Себеби Куланак айылы тогуз жолдун томунда жайгашкан. Баетов, Тогуз Торо райондорун Нарын облусу менен байланыштырган жолдун боюнда жайгашкандыктан кардарлар үзүлбөйт.
Тапкан кирешениз кандай, жумушунуз озун озу актайбы?
Жумуш кучоп турганда, жайында 1500сомдон, 2000сомго чейин киреше түшөт. Кунумдук жашообузга жетет. Эн башкысы өзүмдүн ак эмгегим менен иштеп табам.

Жумушунуздун тынымы жок. Үй бүлөнүз, ата -энениз кандай карашат?
Ар дайым колдоп турушат. Тушкон каражатка жетишпеген бумдарды сатып алып жатабыз. Жакында эле Учкун айыл окмотунон «Мыкты ишкер-2019″диплому менен сыйландым? Жана дагы мен ойлойм эн чон жетишкендигим элге кызмат кылуум.
Иште колдонулуучу буюмдар кайдан алынып келинген?Алардын сапаты кандай?

Бизге керектуу буюмдардын баардыгы эле Кытай мамлекетинен алынып келинген. Сапаттары жакшы эле, азыр бардыгы тен эле иштейт

Келечекте алдыга койгон максатарыныз жонундо болушо кетсениз?
Келечекте алдыга койгон максатарым унаа ондоочу жайды кенейтсем деп жатам. Унаа ондоочу жайдын жанына унаанын майын алмаштыруучу жайын ачсамбы деген максатарым бар-деп каарман оз созун жыйынтыктады.

Учурда жеке ишкер өзүнүн гана үй бүлөсүн бакбастан 6 жылдан бери бир кызматкер алып,2 үй бүлөнүн каржы маселесин чечип келет. Ал эми айылдаштарынын жеңил желпи жумуштарын бекер эле жазап берет.
маектешкен: Бегимай Советова

Таяк таянып мектепке бара алмак эмесмин

Өзүнүн кесиби боюнча мугалим, бирок ден соолугуна байланышту бир да жолу өз кесибинин ээси болгон эмес. Бирок 35 жыл китепканачы болуп эмгектенген.

Бош убактысын китеп окуу жана ыр жазуу менен өткөргөн Куланак айылынын тургуну Бүбү Кадыркулова бала чагында эле ыр дүйнөсүнө аралашканын жана эргүү келгенде гана ыр жазып коюп жүргөнү жөнүндө бизге маек курду.
— Саламатсызбы? Өзүңүздү кененирээк тааныштыра кетсеңиз?
Саламатчылык .Мен Кадыркулова Бүбү Токоевна. Тогуз -Торо аймагына караштуу Дөмө-Бөл айылында 1955 — жылы туулгам

— Ыр дүйнөсүнө канча жашыңызда келдиңиз эле?
-Мен 8-9 жашымда эле ыр жазчумун. Менин
оюмча өзүмдүн талантым. Чоң апам дагы ыр жазып калчу экен. Ошол себептен чоң апамды тартып, ыр жазып калсам керек.
Азыркы учурда эки кызым дагы ыр жазат.
-Биринчи жазган ырыңыз эсиңиздеби?
-Ооба эсимде бул ырымды апама окуп бергенде
«Сен жамакчы болосуңго» -деп аябай күлгөн. Ал ырым мындай:
Кемегенин түбүндө,
Чай кайнатам күнүгө.
Ойлогула баарыңар,
Убал барбы Бүбүгө.
-Мектепти бүткөндөн кийин, кайсы окуу жайга тапшырдыңыз эле?
— Арабаев университетине тапшырып. Ал жактан адабий сабагынан Кыргызстандын 50 жылдыгына карата 14 куплет ыр жазгам. Андан соң адабий иримге катышып жүрчүмүн. Бирок бутума операция жазаш керек болуп аягына чейин катыша алган жокмун.
-Эмне себептен операция жазаш керек болду?
— 10жашымда аттан кулап түшкөм. Ал учурда медицина жакшы өнүгө элек болчу. Анан бутумду туура эмес таңып салгандыгына байланыштуу жакшы айыкпай калган. Ошол себептен 13 жашымда операция жазатууга туура келди. 18-19 жаштарым да ооруканага жаттым.

-Окуу жайыңызды аяктагандан кийин эмне менен алектендиниз?
-Мен негизи өзүмдүн кесибим мугалим болчу таяк таянып мектепке
бара албайт эле. Ошондуктан Казарманда китепканачы болуп иштеп калдым. Толугу менен 8 жыл эмгектенгем. 4 жыл китепканачы болуп,4 жыл кетепкананын башкы директор болуп эмгектенгем. Анан Куланакка турмушка чыгып. Куланактагы китепканада 27 жыл иштегем.
-Көп жылдык эмгегиңиздин арты менен кандай ийгиликтерге жетиштиниз?
-Нарын облусунун «Ардактуу айымы» сыйлыгынын ээси, «А.Токомбаев» атындагы сыйлыктын лауреаты жана көптөгөн ардак грамоталары менен сыйлангам.

Азыркы учурда Нуржан кызым ыр жазат. Өзүнүн айылы Куланак жөнүндө ыр чыгарган:
Куланак
Эх Куланак, сүйгөн жерим сен белең,
Жүрөгүмдүн жартысына тең келген.
Атыр аңкып нур чачырайт тоолору,
Кең Куланак кереметтин борбору.

Сага болгон таза сезим ойлорду,
Жаратамын карап алып тоолорду.
Эске алып өтүп кеткен жылдарды,
Ойго түшөт чоң энемдин жомогу.

Балалык кез сенде жүрүп ойноду,
Таттуу күндү мезгил бизге койбоду.
Өзүң үчүн кандай иштер кылармын,
Колдон келсе ойдогу иш болгон.

Азыркы учурда көп жылдан бери чогултуп жүргөн ырларын жарыкка чыгарганга аракет кылып жатыптыр. Акындын ойлогон оюу ишке ашып ырлар жыйнагы жарык көрүшүнө тилектешпиз

Маектешкен: Алтынбек кызы Наргиз
Кылычбекова Эркеайым

Жума намаз үчүн шарт түзгөн

Куланак айылынын тургуну жума күндөрү гусул алчу адамдарга бекер мончо жагып берүүдө. Жана мунун себеби эмнеде экендиги тууралуу төмөндө кеңири баяндалмакчы

Саламатсызбы биринчиден өзүңүздү тааныштыра кетсеңиз.

-Мен Эмиров Сыргак Куланак айылынын тургунумун. Азыркы учурда жеке ишкермин.

Жуунучу жай тууралуу кененирээк айта кетсеңиз.
-Негизги бул мончону атам жана туугандарым, үй -бүлөм үчүн кургам. Алар күндүн ысык -суугунда, көбүнчө кыш мезгилинде алыска барып жуунганда абдан кыйналып калышчу. Ушул себептен мончону куруу ойума келген.

Жума намазга барчу адамдарды бекер жуунусуна шарт түзүп берипсиз, ушул тууралуу маалымат бере кетсеңиз.

-Чындыгында эле жума күндөрү, гусул алчу элдерге, таксырларга мончону бекер жагып берем. Убактысына токтолсом саат эртең мененки 10дон, 12ге чейин келип гусул алуучулар жуунуп кетишет. Көбүн эсе карапайым калк үйүндө жуунуга шарты болбогондуктан, айрым мончолорго акча төлөп жуунуга мажбур болушат. Ушул көйгөйдү да чечип бергим келди. Бирок менин эң биринчи максатым . Аллах Тааланын жана элдин ыраазычылыгын алгым келди. Канчалык көп сооп кылсаң ошончолук сага бейиштин эшиги ачылат эмеспи.

Кээ бир учурларда айылдаштарым заказ берип, акчасына келип тазаланып кетишүүдө.

1 саатка 60сом ал эми 1жарым саатка 80 сомдон төлөп кетишет.

Бул иш менен алектенгениме буюрса 1жылдын жүзү болду. -деп сөзүн аяктады. (Каарманыбыз сүрөткө түшүүдөн баш тартты )

Андан соң биз Куланак айылынын тургуну менен маектештик.

-Мен Бейшеналиев Дүйшөнбек Куланак айылынын тургунумун. Сыргактын азыркы учурдагы кылып жаткан сооп иштери тууралуу айта кетсем. Куланакта жалгыз гана Сыргактын эле жума күндөрү, жума намазга барчу, гусул алчу таксырлар акысыз жуунуп кетишет. Азыркы учурда мен намаз окуйм, бирок үйдөгү жумуштарыман бошобой калгандыгыма байланыштуу, гусул алуу үчүн ал жерге бара элекмин Кудайым буюрса жакынкы күндөрдүн биринде барып гусул алып кетем деген ойум бар.

Сыргактын ушундай жакшы, соопчулук үчүн кылган иштерине айылдаштар ыраазы болушууда. Эми дагы ушундай сооп иштерди жасаган адамдар көбөйүүсүн каалайм. -деп өз сөзүө аяктады (Каарманыбыз сүрөткө түшүүдөн баш тартты)
Соопчулук үчүн ушундай иштер, жыл санап көбөйө берсин демекчибиз.

Даярдаган: Эрнисбек кызы Сайкал

Айылдагы жумушсуздукту жоюунун бирден — бир жолу

Куланак айылынын тургуну, айылдагы жумушсуздукту жоюуга салымын кошуп, чакан кийим тигүүчү жай ачып иштетүүдө. Ишканага айыл тургундарынан кызматка тарткан

Биздин каарман Мээрим Арналиева 5 жылдан бери иштөө үчүн алыска кетпей эле, жашап жаткан үйүнүн бир бөлмөсүн чакан ишкана кылып ачып алган. Ишканага өзүндөй болуп, учурунда шаар кыдырып иштеп, келип кетип жүргөн кыз келиндердин башын бирик тирип жумуш менен камсыз кылып келет
Тигүүчү жайды ачууңузга эмне себеп болду?
Биринчиден эле балдарым. Аларды тыштап коюп иштөө мен үчүн оорчулук жаратты. Аларда менда сагынат экемин. Сарсанаада болосуң. Жаныма алайын десем шаарда жашоо кымбат. Тапкан тергениң күнүмдүк жашоодон артпай калып жатты. Ойлосом ушинтип кыйналып иштеп жүргөн айылдык кыз келиндерибиз көп экен. анан ошолордун башын бириктирип, 6 келин менен иштеп жатам.


Буйрутмаларды кайдан аласыз?
Бишкек шаарынан жана Нарын шаарынан алып турабыз. Ал жерден бизге даяр, бычылган кездемелер келет.Биз болсо жөн гана аларды бириктирип тигип, кайрадан шаарга салып жиберебиз . Албетте кийим тигүү абдан чоң эмгекти талап кылат. Айрым учурларда түнү менен иштөөбүзгө туура келет. Кандай кийимдер деп кызыгып турган болсоңуздар : көбүнчө декабрда корнавалдык костюмдарды жана кыздардын көйнөктөрүн. Ал эми жаз, күз мезгилдеринде жеңил курткаларга басым жасоого аракет кылабыз . Жана дагы жай мезгилинде жеңил көйнөк,шым жана башка кийимдерди көп тигебиз. Кыскасы мезгилге жараша келген буйрутманын баарын тиге беребиз.


Айлык акыңыз тууралуу айта кетсеңиз.
-Айлык акым канааттандыраарлык деп айта албайм. Албетте жашообузга жетет.Негизи бир кийимди 50сомдон тигебиз. Кээ бир учурларда андан төмөнда жогору да болуп калат. Эгерде биз шаарда иштегенибизде мындан эки эсе көп акча тапмакбыз. Бирок шаардан жашаган батирибизге, жол каттамдарына төлөгөнүбүздө, кайрадан ошол эле акчабыз чыгып калат.

Бош убактыңызда эмне менен алектенесиз?
Буйрутмалар келбей калган учурларда балам менен кызыма кийимдерди тигип берем. Кээде туугандарым , досторум, кошуналарым келип кийимдерин тиктирип кетишет -деп өз сөзүн айяктады

Каарманыбыздын эмгектери

даярдагандар: Эрнисбек кызы Сайкал
Кылычбекова Эркеайым

Музду тоңдуруу абдан чоң аракетти талап кылды

Нарын районуна караштуу Куланак айылында:көптү күттүргөн муз аянтчасы балдардын купулуна толуп,айыл тургундарынын эс алуусуна жакшы мүмкүнчүлүк түзүлүүдө

Кычыраган кыштын суугуна карабастан жаш жеткинчектердин, көк жылгаяк үстүндө ойноп жүргөндөрү

Жылгаякты иштетип жаткан Куланак айылынын тургуну Болдубек Абдыраимов байке бошобой жаткандыгына байланыштуу кызынан маалымат алууга туура келди.
-Мен Болдубек кызы Мырзайым Куланак айылынын тургуну болом. Биздин бул муз аянтчаны ачуубуздун себеби:атам күз мезгилинен бери ишке ашырууну ойлоп жүргөн. Мына эми ошентип бул күнгө да жеттик.

Жылгаякты тоңдуруу бизге абдан оор болду. Биринчиден атам жерди түздөп чыкты. Башында музду тоңдуруу абдан чоң аракетти талап кылды. Себеби кар жука болчу.

Азыркы учурда келип-кеткен кардарлардын саны көбөйүүдө . Жана ошондой эле айыл тургундарынын купулуна толуп,ыраазы болуп кетишүүдө-деп өз сөзүн аяктады . (каарманыбыз сүрөткө түшүүдөн баш тартты)
Андан соң биз эс алууга келген кыздардын бири менен маектештик.
-Саламатсыздарбы! Менин атым Болотбекова Айдайым. Азыркы учурда Абдылда Аралбаев атындагы орто мектебинин 8-классынын окуучусумун. Бүгүн биз классташ кыздар болуп, атайын сабактан кийинки убактыбызды бөлүп. Көк жылгаяктын үстүндө ойноого келгенбиз. Мага бул жер абдан жакты,купулга толоорлук экен. Муз аянтчасын айылдаштарым көпкө күтүшкөн. Мына эми ушинтип ачылып кубаныч тартуулоодо. Жана биздей болгон окуучуларга жакшы шарт түзүлүп, бош убактыларында келип жылгаяк тээп кетишүүдө-деп Айдайым өз сөзүн аяктады.

Айылдан алыска барбай эле саатына 50сомдон төлөп, ойноп кетип жаткан айыл тургундарына абдан жакшы шарт түзүлгөн экен.
Даярдагандар: Кылычбекова Эркеайым
Эрнисбек кызы Сайкал

Жаш жеткинчектин максаты

Кыргызстан боюнча түп көтөрүлүп, “китеп окуу жаркын келечек” — деп чакырык кылган жаштардын арасына Куланак айылы да кадам таштады. Бул долбоорго жетекчилик кылган айылдын жаш тургуну Адамис Таалайбеков менен маек курдук

А.Аралбаев атындагы орто мектебин 9 класска чейин окуп кеткен Адамис 2001 – жылы Куланак айылында төрөлгөн. Үй бүлөөдө беш биртууган, үч байкеси бир иниси бар. Атасы Дөөлөтбаев Таалайбек, апасы Абдырахманова Жаңылбүбү. Адамистин долбоорго кантип келип калышын өз оозунан уксак.

Мектепти 9-класска чейин окуп, аяктап Нарын шаарындагы эки жылдык мөөнөттөгү Нарын медресесине окууга тапшырдым. Нарын медресесинин 1-курсун жакшы жетишкендиктер менен бүтүп, Бишкек шаарындагы Байтил академиясынын 1-курсуна которулуп азыркы учурда окуумду академияда улантып жатам
Менин бул “Бир адамдан бир китеп” долбоорун Куланак айылына уюштуруума түрткү болгон “Нарын медресеси” жана учурда окуп жаткан “Байтил” академиясы. Себеби бул окуу жайларда мага сабак берген агайларым жана бизге жол көрсөткөн Нарын облосунун казысы Мамбетасан Ибраев агайым мага эң мыкты үлгү болуп тийгизген таасири жана “Эмне үчүн китеп окушубуз керек” атту китеби менин китепке болгон мамилемди өзгөртүп, көзүмдү ачты, жана кызыгуумду өрчүттү.

Ошондой эле ата энем, бир туугандарымдын колдоосу дем күч берди, менин китептерди көп окушума түрткү болду. Өзүм эле китеп окуубастан жалпы элди китеп окууга чакыруу максатында жана азыркы күндөгү эң курч көйгөйлөрдүн бири болгон китеп окуу маданиятынын жоктугун жана балдардын китептен алыс өсүшүн жоюу, келечек муунга жол көрсөтүү.


мектеп окуучуларына кулактандыруу кылып жаткан учур

21 – кылым технологиянын кылымы болуп жаткан учурда, китеп окуунун кажети барбы?
Азыркы учурда китептин ордун мультимедиялык, технологиялык каражаттар ээлеп. Маалымат алуу булагы китеп эмес телевизор интернет болуп калды. Китеп цивилизациясы артка кетип , экран цивилизациясы күчүнө кирип, учурдун адамдары маалымат булагы катары интернетти, телевизорду же чөйрөсүндөгү адамдарды колдонуп жатат. Бирок алардан алынган маалымат көбүнчө учурда чындыкка дал келбестен , ушак түрүндөгү маалыматтар болуп саналып калышы мүмкүн. Башкача айтканда адамдын аң-сезимин өстүрө турган маалыматтар эмес, тескерисинче, адамдын оюн булгай турган «таштанды» маалыматтар болуп калды. Ал эми китеп окуу адамдын интелектисинин жана сезимдеринин толук кандуу өнүгүүсүнө жардам берет. Китепти көп окуган адам өз алдынча өнүгүү жана жөндөмдөрун туура колдонуунун жолдорун окубаган адамдарга караганда жакшы билет. Ал эми көп окубаган адамдын маданий тажрыйбасы аз болуп, тили гана жарды болбостон , аң сезими жана жашоого болгон коз карашы тайкы болуп калат. Эң жөнөкөй мисал, кичине балдардын жомок окуусун жана ошол эле жомокту экран аркылуу көрүүсүн салыштырсак, китептен алган пайданы экрандан ала албайт. Китеп окуган учурда баланын ой жугүртүүсү , фантазиясы өрчүйт. Ал эми экрандан көрүү баланын фантазиясын чектейт, даяр нерсеге көндүрөт.

Долбоорду ишке ашыруу үчүн кандай кадамдарды таштап жатасыз?

Бул долбоорду ишке ашыруу үчүн атайын топ түздүм. Ал топто азыркы учурда мектепте окуп жаткан классташым Жолдошбеков Назымбек жана чогу окуп 9-классты аяктап, учурда Нарын шаарында окуп жаткан класташтарым Сарыкулов Бектур жана Абакиров Турат болуп иш алып барып жатабыз. Бул долбоор Куланак айылында ишке ашат деп толук ишенебиз себеби мектеп мугалимдери жана окуучулар айыл жаштары жана жалпы эл толугу менен колдоого алды. Жеке эле айыл тургундары эмес айылдан сырткары шаарда жана башка жерлерде жашаган Куланак айылынын кулундары колдоо менен китептерди сатып алып берип жатышат жана ошондой эле спонсорлор катарга кошулуп китеп алып берип жатышат

Долбоордун жүрүшүн Куланак жалпыга маалымдоо каражаттары аркылуу маал маалы менен чагылдырып турууга аракет кылып турат. Жайылтуу максатында соц тармактарга кулактандыруулар жана кайырылуулар старт алды.

маектешкен: Айзат Түмөнбаева

Куланак айылы 16 күндүк акцияга активдүү катышты

Нарын районуна караштуу Куланак айылы: үй — бүлөлүк зомбулук, гендердик теңсиздик темаларында тегерек столдорду, кыска метраждуу фильмдерди, линейкаларды, түз эфирлерди уюштурууда активдүү катышышты

Жогоруда аталган саамалыктарды Куланак жамааттык мультимедиа борбору тарабынан жана жамааттык ЖМКлардын Бирлиги менен биргеликте ишке ашырды.

Алгач эле айыл өкмөтүндө «Аялдарга, кыздарга карата болгон зордук — зомбулук жана гендердик теңсиздикке каршы аракеттебиз» аттуу аталышта тегерек стол 14 — ноябрда болуп өттү

көптөгөн талкуулар жаралып, бир жылдык иш план иштелип чыкты

Андан жалпы ата — энелер чогулушунда «коргоо ордери» жөнүндө маалымат берилип, «Элеттик айымдар», «Сияпат», «Космос курган кыздар» аталышындагы видеолор 26 — ноябрда А.Аралбаев мектебинде көрсөтүлдү





28 — ноябрда Социалдык кызматкер Алмагүл Бейшеналиева, үй — бүлөлүк дарыгерлер тобунун мед айымы Гүлзамира Чүкүшова, мектептин тарбия иштери боюнча директордун орун басары Гулнур Солтобаева жана айылдык аялдар кеңешинин төрайымы Таалайгүл Токсобаева менен биргеликте фейсбук баракчасында түз эфир уюшулду

Posted by Куланак медиа on Thursday, November 28, 2019

Куланак жамааттык мультимедиа борбору А.Аралбаев атындагы орто мектебинде жайгашкандыктан кандай гана иш чаралар өтпөсүн кыска метраждуу видеолор көрсөтүлүп жатты.

Ал эми 12 — декабрда «Биз зомбулуксуз үй — бүлөдө, мектепте, коомдо жашаган келечек ээлерибиз» аттуу аталышта чакан линейка болуп өттү. Линейка окуучулар зомбулуктун түрлөрүн атап беришти. Мээге чабуул үчүн баштаганда эле видео ролик менен башталды


линейкада чакан ценка, ырлар окулду. Баарынан кызыгы кыздар ак кайың ырына бий бийлешип, бийдин аягында
«Мен зомбулуксуз жашагым келет
Али эрте жоолук салынганга» деген сөздөр менен бийлерин аякташты.

Акцияны өткөрүүдө таркатма материалдар жана видеолор үчүн Куланак жамааттык мультимедиа борбору демөөрчүлөргө ыраазычылык билдирет

даярдаган : Айзат Түмөнбаева

Нарын облусунун 42 айылында таза суу долбоору ишке кирет

Бүгүн, 10-декабрда Өкмөттүн Нарын облусундагы ыйгарым укуктуу өкүлчүлүгүндө Кыргыз Республикасынын Жогорку Кеңешинин агрардык саясат, суу ресурстары, экология жана регионалдык өнүктүрүү боюнча комитетинин көчмө жыйыны өткөрүлүп, анда Нарын облусунун аймагындагы ичүүчү суу маселесине байланышкан мыйзам долбоорлору талкууланды,бул тууралуу Нарын облустук ыйгарым укуктуу өкүлүнүн басма сөз кызматы билдирди.


Маалыматка караганда көчмө жыйынга Жогорку Кеңештин депутаттары: Нурбек Алибеков, Алмаз Акматов, Муктарбек Айнакулов, Абылкайыр Узакбаев, ошондой эле тиешелүү министрликтердин өкүлдөрү, Өкмөттүн Нарын облусундагы ыйгарым укуктуу өкүлү, жергиликтүү кеңештердин депутаттары, Нарын шаарынын мэри, акимдер, айыл өкмөт башчылары, суу пайдалануучулар ассоциацияларынын төрагалары катышты.

Күн тартибинде Нарын облусунун жергиликтүү жамааттарын ичүүчү суу менен камсыздоо жана тазалоочу курулмалардын абалы; “Нарын облусунда айылдарды ичүүчү суу менен камсыздоо жана санитарияны өнүктүрүү” долбоору боюнча Кыргыз Республикасынын жана Азия өнүктүрүү банкынын ортосундагы кредиттик макулдашуунун долбоорун талкуулоо жана башка маселелер каралды.

Комитеттин төрагасы Нурбек Алибеков Президенттин алдына койгон максаты 2024-жылга чейин Кыргызстандын бардык аймактарын таза суу менен камсыздоо болуп, анын негизинде жакшы иштер жүрүп жатканын, Жогорку Кеңештин комитетинин көчмө жыйынын жеринде өткөрүүнүн максаты Өкмөттүн таза сууга байланышкан долбоорлорун жеринде карап, эртерээк ратификациялоо, көйгөйлөрдү жеринде көрүп жана Азия өнүктүрүү банкынын долбооруна кирбей калган айылдарды киргизип, киргендерин эртелеп ишке ашырууга түрткү берүү экендигин билдирди.

Суу ресурстары боюнча мамлекеттик агенттигинин директору Көкүмбек Таштаналиев баяндамасында белгилегендей, Кыргыз Республикасынын Өкмөтүнүн “Биримдик. Ишеним. Жаратмандык” программасынын алкагында республиканын 24 шаарында жана 653 айылында таза суу, саркынды суу курулмаларын ондоп, калыбына келтирүү жана жаны курулмаларды куруу камтылган. Анын ичинде Нарын облусунун 42 айылы Азия Өнүктүрүү банкынын “Нарын облусунда айылдарды ичүүчү суу менен камсыздоо жана санитарияны өнүктүрүү” долбооруна киргизилип жатат. Долбоордун жалпы наркы 32,9 миллион долларды түзөт. Анын ичинде Азия Өнүктүрүү банкынын насыясы 13,7 миллион доллар, ал эми Азия Өнүктүрүү фондунун гранты 13,7 миллион доллар, ошондой эле Кыргыз Республикасынын Өкмөтүнүн кошумча каржылоосу 5,5 миллион доллар.

Көчмө жыйында ушул долбоорду ишке ашыруудагы көйгөйлүү жагдайлар, ошондой эле Европа өнүктүрүү банкы тарабынан каржыланып жаткан “Нарын шаарынын таза суу канализация системасын реконструкциялоо” долбоорун улантуудагы тоскоолдук жараткан факторлор жана суу маселесине байланышкан бир катар маселелер талкууланды.

Жогорку Кеңештин депутаттары айтылган маселелерди чечүүгө, ишти жылдырууга аракет жасалаарын билдиришти.
Автор: Дилде Шатанова

Нарын облусу боюнча көмүрдүн учурдагы баасы канча?

Кыш кылычын кармап босогодо турганда Нарын облусунун эли үчүн кышка даярдык көрүү маселеси негизги орунда болушу шарт. Ал эми 2019-2020-жылдын күз-кыш мезгилине облустун экономика тармагына жана калкына 97 миң 284 тонна көмүр отуну керектелээри болжолдонсо, анын 75 миң тоннасы калкка, 22 миң 284 тоннасы бюджеттик мекемелерге тартылат.

Бүгүнкү күндө бюджеттик мекемелерге көмүр тартуу иши Жумгал районунда 98 пайызга, калган райондордо жана Нарын шаарында 100 пайызга аткарылды.

Ал эми калкты көмүр отуну менен камсыздоо боюнча Нарын облусунун басма сөз катчысы билдиргендей,облустун аймагында 68 көмүр кампасы уюштурулган. Учурда 41 кампада 4636 тонна көмүр бар. Райондор боюнча алсак, Ак-Талаада 13 кампада 1236 тонна, Ат-Башыда 8 кампада 2330 тонна, Жумгалда 3 кампада 150 тонна, Кочкордо 5 кампада 3200 тонна, Нарын районунда 10 кампада 275 тонна, Нарын шаарында 2 кампада 145 тонна көмүр сатыкта турат. Мындан сырткары Нарын шаарында жеке ишкерлер тарабынан 9 соода түйүнүндө 332 тонна көмүр отуну бар.

Көмүрдүн бир тоннасынын баасы Ак-Талаада 2800-3000, Ат-Башыда 3500, Жумгалда 1800-2600, Кочкордо 3200, Нарын районунда 3600, Нарын шаарында 3500 сомдон болууда.

Тиешелүү кызмат адамдарынан түзүлгөн комиссия көмүр сатып жаткан жеке жактардын тараза, көрнөк-жарнактар сыяктуу керектүү жабдуулар менен камсыз болушун көзөмөлгө алууда.

“Өтүгү жокко өзүм барам, тону жокко салам айт” дегендей, эми Нарын жергесине күн жааса эле кыш түшөт.

Андыктан облусубуздун калкын кыш камылгасын эртерээк көрүп, көмүр отунун камдап алууга чакырабыз.

Автор: Дилде Шатанова