Куланак: Мектепте Турдакун Усубалиевдин 100 жылдык мааракеси белгиленди

Нарын районуна караштуу Абдылда Аралбаев мектебинде 100 жылдык маараке 12 — сентябрь күнү старт алды

Иш чаранын катышуучулары Нарын шаарнынан келе жаткан да эле «Куланак» насостук станциясы менен таанышып келишти

Андан соң мектепке келишти

Ачык асман астында пионерлер ант беришти

Мектеп аркасына курулуп ишке берилген чакан футболдук аянтчанын ачылыш аземи болуп өттү



окуучулар арасында мелдеш оюн өткөрүлдү
Келген коноктор мектеп ичине бет алышып, окуучулардын кол эмгегине таандык болгон курулуш макеттерине саякат кылышты


А.Аралбаев мектебинин макети

10 сарай чөлкөмүндөгү 10 сарайдын макети

Куланак насостук станциянын макети
Жасалган макеттин баардыгына Т.Усубалиевдин кошкон салымы менен 11 класстын окуучулары тааныштырып жатышты
Катышуучулар менен биргеликте топторго бөлүнүп, сабак оюн көрсөтүлдү

Мектептин музыка мугалими Жумагүл Өмүрованын күчү менен даярдалган линейкада Турдакун Усубалиевдин басып өткөн жолу менен тааныштырышты жана Куланак айылы үчүн эмгеги зор экени баса белгиленди.


даярдаган: Айзат Түмөнбаева

Коомдук ишмер, саясатчы Турдакун Усубалиевдин 100 жылдык мааракесин утурлай

Турдакун Усубалиев башкарууда турган мезгилде Нарын районуна караштуу Куланак айылына «Куланак» насостук станциясын курдурган. 1968 — жылдан берки кызматта болгон насостук станция тууралуу сөз болмокчу


Куланак насосун курдуруу үчүн Т.Усубалиев жана ошол кездеги айыл чарба министрлигинин орун басары Тельман Сарыбаевдын эмгеги зор

1968 – жылы курулуп, ишке берилген

Куланак насосунун узундугу 37 км түзөт, Насос ишке киришкенден кийин 5081 гектар дың жерлер бузулуп ишке кирген.
КАНАЛдын суусу Куланак,Учкун, Жылан — Арык айылдарын сугат суу менен камсыз кылып, каналдын аркасы менен малдын жайыттары, эгин талаалары оңолгон.

Убагында Куланак айылына өзү келип эгин талаалары менен таанышып кеткен

Сүрөт «Атанын уулдары» китебинен көчүрүп алнынды
“КУЛАНАК НАСОСУ” толук кандуу бүтүп, ишке киргизилгенден кийин 1976 – жылы КССР өкмөтүнүн ӨТМӨ КЫЗЫЛ ТУУСУн Куланак колхозу жеңип алган

Башта айтылган “КУЛАНАК НАСОСУ” бүгүнкү күндө да толук кандуу иштеп, Нарын районун тоют чөп менен камсыз кылып келет. Насостук станцияда бүгүнкү күндө 10 кызматкер эмгектенет.
материалды даярдоодо маалыматтар тарых мугалими Таалай Нурдиновдон жана Насостук станциянын директору Марс Жусуповдон алынды.
Сүрөттү тарткан: Жаркынай Эсенгулова
Даярдаган: Айзат Түмөнбаева

Куланак айылында комуз күнү белгиленди

Нарын облусунун Нарын районуна караштуу Куланак айылында 10-сентябрда комуз күнүнө арналган чакан линейка болуп өттү.
Бул линейка комуз ийримине катышып келе жаткан окуучулар тарабынан уюштурулду.

Окуучулар өз өнөрлөрүн көрсөтүшүп көрүүчүлөргө жагымдуу маанай тартуулашты.

Абдылда Аралбаев орто мектебинин комуз ийриминин мугалими Салымбекова Кундуз өз оюн мындайча билдирди.
«Мен Салымбекова Кундуз комуз ийриминен сабак берген мугилим болом.Биз бул линейкага жогорку деңгээлде даярдандык.Азыркы убакта окуучулар өз алдынча комуз чертүүгө үйрөнүп калышты.Ар кандай күүлөрдү чертүү адамдын ден-соолугуна абдан пайдалуу.Окуучулар келечектеги мыкты комузчулардан болот деген ойдомун
«деп билдирди Кундуз Салымбекова
(каарманыбыз сүрөткө түшүүдөн баш тартты)


Бул ийримдин катышуучусу Жузупов Кутман биз берген суроолорго мындайча жооп берди.
«Мен 6-а классынын окуучусу болом.Комуз ийримине катышып келе жатканыма 1 жыл болду.Кичинекей кезимден эле музыкага жакынмын.Ошондуктан комуз ийримине катыштым.Мага комуз черткен абдан жагат.Көптөгөн сынактарга катышкым келет.Өнөрүмдү өркүндөтөм деген ойдомун»

Ушундай эле мектеп окуучусу Арналиев Нурбол өз оюн мындайча билдирди.
«Мен 6-класстын окуучусу болом.Атым Нурбол бул ийримге катышканыма абдан кубанам, анткени бош убактымды пайдалуу нерсеге коротом десем болот.Комуз чертүү менен биз байыркы күүлөрдү үйлөнөбүз.Комуз кыргыздын улуттук аспабы болгондуктан чертүү абдан ыңгайлуу.Мектепте комуз ийрими өркүндөсө деген ойдомун.
Даярдаган: Жамал Уланбекова
«Мыкты макала» сынагы үчүн

Футболдук аянтча окуучуларга эшигин ачууга даяр

Нарын районуна караштуу А.Аралбаев орто мектебинде окуучулар кичи футбол аянтчасынын ачылуу аземине даярдык көрүп жаткан кези.Көптү күттүргөн аянтча тууралуу биздин макаладан окуй аласыздар.

Сөз башында эле Учкун айыл өкмөтүнүн башчысы Осмонбек Өмүралиевди кепке тарттык:

«Кичи футбол аянтчасы айылдагы керектүү объект болуп саналат. Зарылчылыктар келип чыккандыктан жаштар уюмунун жардамы жана айыл элине марафон өткөзүү менен башталган. Биз азыркы учурда Өнүктүрүү Саясат институту менен бирге иштешип, долбоор аркылуу 1 000 000 сом акча каражаты бөлүнүп берилген. 1 000 000 сомго аянтчанын түздөө иштери, синтетикалык материалдар алып келинди. Долбоордун жана айыл тургундарынын жардамы менен бүгүнкү күндө кичи футбол аянтчасы ачылуу астында турат.

Ал эми сөздү улай А.Аралбаев орто мектебинде чарбалык иштеринин орун басары болуп эмгектенген Рахат Орозакунов төмөндөгүлөргө токтолду:

«Футбол аянтчасынын курулуп башталганына 3 жыл болду. Бул аралыкта орто мектептин окуучулары жана тех.кызматкерлери күчүбүз келишинче жардам берип жаттык»-деп билдирди каарманыбыз.

Аталгандай эле ар бир мектеп окуучусу аянтчанын ачылышын чыдамсыздык менен күтүүдө жана кубанычтарында чек жок.

Футбол оюнун кызыгуу менен ойногон 9-классынын окуучусу Нурсултан:

» Биз мурун шарты жок аянтчада ойносок, эми заманбап футбол аянтчасында ойнойбуз. Биз бул күндү абдан чыдамсыздык менен күтүп жатканбыз.»- дейт жаш футболчу.

Даярдаган:Гүлшат Бейшекова

«Мыкты макала «сынагы үчүн

Нарындыктар сыймыктанган эки жигит

Нарын облусунун ыйгарым укуктуу өкүлү Аманбай Кайыпов жана орун басары Жаркын Ибраева 2-сетябрда спортчуларды кабыл алды. Непал шаарында волейбол боюнча өткөрүлгөн Орто Азия чемпионатында Кыргыз Республикасынын курама командасында оюн көрсөткөн эки нарындык оюнчуну кабыл алды.


Алардын жеңиши жалпы кыргыз элин кубандырганын баса белгилеп, кийинки оюндарда дүйнөнүн чемпиону болушун каалады. Айрыкча курама команданын катарында эки нарындык жигитке теңиртоолуктардын алкышы мол экенин айтып, өзүнүн жана өкүлчүлүктүн аппаратынын атынан ыраазчылыгын билдирди.

Курама команданын оюнчулары Азамат Жумабеков менен Муса уулу Темирге облус башчысы Аманбай Кайыпов 10 миң сомдук сертификат жана өкүлчүлүктүн ардак громатасын тапшырды.

КРӨнүн Нарын облусундагы ыйгарым укуктуу өкүлүнүн аппаратынын басма сөз кызматы кабарлады.
Автор: Дилде Шатанова

Жаңы окуу жылында жаңы мектеп

Бүгүн, 3-сентябрда Кочкор районуна караштуу Кара-Суу айыл аймагындагы Мантыш айылында жаңы салынган мектептин ачылыш аземи болуп өттү.Бул мектептин ачылышына облус башчы Жогорку Кеңештин төрагасы катышты.

Ага Кыргыз Республикасынын Жогорку Кеңештин төрөгасы Дастан Жумабеков, облус башчысы Аманбай Кайыпов, саясий ишмер Медеткан Шеримкулов, «Ассанабилл» кайрымдуулук фондунун өкүлү Недал Кумдил жана бир катар бийлик өкүлдөрү, жеке ишкерлер куттуктоо сөздөрүн сүйлөп, лентасын кесишти.


«Ушул жаңы салынган мектепке Таалайбек Курткаевдин аты ыйгарылгандыгы эң туура болгон. Мен бул инсанды жакшы таанычу элем. Эл дегенде ичкен ашын жерге койгон адам эле. Көзү өтүп кетсе да, анын жубайы Майрам Байтерекова фонд түзүп, мектептин салынышына чоң демөөрчү болуп берди»-деди, төрөга. Өз сөзүнөн соң, жаңы мектепке куру кол келбегенин айтып, билим уясына 6 компьютер тапшырды.

Мындан сырткары Медеткан Шеримкулов баш болгон ишкерлер билим уясына акчалай белектерин, окуу китептерин беришти.

Буга чейин Мантыш айылында мектеп жок болгонуна байланыштуу эки жүз сексен окуучу Кызыл-Дөбө айылына барып келип окушкан. 2018-жылы Араб өлкөсүнүн «Ассанабилл» кайрымдуулук фонду тарабынан жүз миң АКШ доллары берилип, капсуласы салынган. Андан соң, «Таалайбек Курткаев» атындагы кайрымдуулук фонду тарабынан да акча бөлүнүп, жалпы суммасы эки миллион алтымыш сегиз миң эки жүз сомго 250 орундуу жаңы мектеп курулуп, пайдаланууга берилди.

Бүгүнкү күндө мектепте 280 окуучу билим алып, 20 мугалим эмгектенип жатат.

Автор:Дилде Шатанова

Облус боюнча тоют чөптүн баасы жылдагыдан кымбат

Быйыл Нарын облусу боюнча чөптүн баасы былтыркыдан кескин түрдө өзгөрүп 170 сомдон,200 сомго чейин жетти. Буга себеп быйыл күндүн ысыктыгыган суу тартыш болуп чөптөр куурап калгандыгында жана малдын да көбөйүшү болууда. Нарында тоют чөптүн баасы күн санап өсүүдө.

Нарын облусу илгертен мал чарбачылык менен алектенип, башка облустан айырмаланып мал киндиктүү деп эсептелинет. Ошол себептен малга тоют камдоо ала жаздан башталып кеч күзгө чейин жүрөт. Облус тоолу аймак болгондуктан кээ бир райондордо чөп жыйноо 1 эле жолу жыйналат, ал эми 2 жолу жыйналган райондорго Кочкор району гана кирет. Нарын, Ак — Талаа райондорунун кээ бир гана айылдарында 2 жолудан тоют чөптөрү жыйналат.

«Быйыл талаада чөп жакшы өскөн жок. Бир гектар жерден 150-200 боо чөп чыгарчу элем. Чөп аз өскөндүктөн бир гектардан болгону 100 боо чөп алдым. Бизди — сатуучуларды деле түшүнсө болот, чыгымдарды жабышыбыз керек. Азырынча биринчи чабык чөптү 170 сомдон жогору сатып жатабыз. Мисалы, табигый чөп же аралашкан чөптүн баасы 170 сомдон, эспарцет, бедени 180 сомдон жогору сатып жатабыз. Экинчи чабык чөптү 185 сомдон алып келип жатышат», — деп билдиришти Нарын шаарындагы чөп базарындагы сатуучулары.

Былтыр базарда чөптүн бир түгү 110 сомдон 140 сомго (орточо) чейин бааланган.

Ат-Башы районунун Казыбек айылында быйыл 2018-жылга салыштырмалуу тоют чөп кескин кымбаттап жатат. Бул тууралуу аймактык кабарчыга тургундар билдиришти.

Маалым болгондой, айылда тоют чөптүн түшүмдүүлүгү начар болуп, бир боо чөп 170 сомдон 200 сомго чейин сатылып жатат.

«20 гектар жер иштетем. Анын ичинде ижарага алган жерлерим да бар. Жылына 5 гектар жерге арпа айдайм. Үч жылдан бери эспарцет, беде өстүрөм. Мурункудай табигый чөптөр жылдан жылга чакпай баратат.

10 гектар жерди чаптырдым. Мурунку жылдары ушул эле жерден 2500 боо чөп алсам, быйыл 1500 боо чөп алдык. Башка жылдарга салыштырмалуу быйыл чөптүн чыгышы да начар. Табигый чөптөр андан да начар болуп жатат. Элдин кээ биринде чыкса, кээ биринде такыр эле чыкпай калган. Айылдагы элден деле угуп жатабыз, быйыл тоют начар болуп калыптыр. Анткени убагында суу тартыш болуп калган. Эл ошондон абдан кыйналды. Жаз айларында бул айылдын башында жаңы канал салынып, оңдоо иштери жүргүзүлдү. Ошондо бир аз убакыт суу кеч берилген. Чоң каналдын бери жагында Кошой деген арыгыбыз бар. Ал арыктан келген суу менен сугарымыш болдук. Ал эми Шырыкты, Таш-Рабаттан суу келбей токтоп калгандыктан суу тартыш болуп, чөп начар чыгып, чыкканы күйүп да калды. Баары суунун тартыштыгынан болду.

Эми чөп бышып калган учурда суу толуп батпай калыптыр. Бул жерден алган чөптүн малдан ашканын сатчумун. Былтыр 1 миң боо чөп саткам. Былтыр чөптүн баасы 150 сомдон сатылган. Ал эми быйыл 180-200 сомго чейин сатылып жатат. Талаада чөп начар чыккан учурда дароо эле кымбаттап калат. Бизде баарыбыз эле мал-жандык багуу менен эле алектенебиз. Малдарга чөп керек. Чөп кымбаттады деп малды таштап салууга да болбойт», — дейт Казыбек айылынын тургуну Жумабек Токтакунов.

Кочкор районунда 1 таңгак чөп 160 сомго бааланууда. Бул тууралуу жергиликтүү тургундар билдиришти.

Маалыматка караганда, биринчи чабык чөп жыйналып бүттү. Тоют жылдагыга салыштырмалуу аз.

«Быйыл Кыргызстан боюнча чөп аз. Мындай абал Кочкор районунда да болууда. Былтыркы жылга салыштырмалуу тоют аз болуп калды. Шамшы айылында сугат суусу тартыш болгондуктан, чөптүн көпчүлүгү күйүп кетти. Айыл тургундары коңшу айылдардан чөп сатып алып жатат», — деди алар.

Нарын районунун Куланак, Учкун, Жан — Булак айылдарынан Нарын шаарынын базарына чөп байма бай барып турчу. Быйылкы жылы тоют аз көлөмдө болгондуктан чыгымдарын жабуу үчүн гана аз өлчөмдө саттык. Антпесек өзүбүздүн малга жетпей калганы жатат. Чөп кымбат аны жеген малдын баасы өтө арзан. Багып жаткан малдарыбызд деле өзүн өзү актабай калып жатат — дейт Куланак айылынын тургуну Атай Өмүрбаев.
Алдыда экинчи чабык чөп 200 сомго чейин сатылышы күтүлүүдө. Кыш узак болсо чөптүн баасы мындан да көтөрүлүшү мүмкүн.

Даярдаган: Дилде Шатанова

«Ынтымак кербени» Нарында

29-августан баштап, 2019-жыл «Аймактарды өнүктүрүү жана өлкөнү санариптештирүү» жылы жана 31-август «Эгемендүүлүк күнүнө» карата облус жетекчилеринин демилгеси менен областар аралык «Ынтымак кербени» старт алган.Келген коноктор Нарын облусунун тарыхый жайларында саякатташууда.

Ар бир аймактан ардактуу аксакалдар, жаштар, энелерден турган делегациялар «ЫНТЫМАК КЕРБЕНИ» болуп, башка облусттарга сапар жасоодо.

Анын алкагында 29-август күнү Баткен облусунан Нарын облусуна делегация келген.

Алар азыркы учурда Ат-Башы районундагы Таш-Рабат жана Кошой- Коргон тарыхый комлекстерине саякат кылышууда.

Жолугушуулардын жүрүшүндө өлкөнү, аймактарды өнүктүрүү, жаштарга татыктуу тарбия берүү, эл биримдигин бекемөө тууралуу пикир алышуулар болууда.

КРӨнүн Нарын областындагы ыйгарым укуктуу өкүлүнүн аппаратынын басма сөз кызматы кабарлады.

Автор:Дилде Шатанова

Кайын атамдын колдоосу менен кыялым орундалды

Нарын шаарынын тургуну 2 жылдан бери жалаң гана айымдар үчүн буйрутма менен кийимдердин түрүн тигип келет. Каарманыбыздын кардарларынын басымдуулугун ишкер айымдар түзөт

Көп кырдуу таланттын ээси, 3 баланын мээримдүү энеси жана үйдүн мыкты кожейкеси Жийде Сыдыкова менен маек курдук.

“Мен бул тигүүчүлүккө бала кезимден тарта кызыгып келем. Эң алгач 9-класста өзүмө көйнөк тиккем. Ошол окуп жүргөн учурумда ар кандай айымдарга керектүү аксессуарларды дагы жасап сатып келчүмүн.Заказга сүрөт тартчумун​

2014-жылы турмушка чыгып балалуу болгондон кийин бош убактымда атайын дизайнерликти окугам. Анын ичинде көйнөк тигүү, бычуу, стиль тандоо, “Handmade” ар кандай аксессуарлардын түрүн, интерьер, сувенирлердин түрун, эскиз​ тартуу боюнча окуп, сертификат алгам.

Азыркы учурда Бишкек шаарындагы Джал районунда үлпөт көйнөктөр салонун иштетип келем. Үлпөт, кече көйнөктөрдүн түрүн, күнүмдүк кийимдер, жоолуктар, жаш балдардан тартып, улуу муундагы аялдардын бардык кийимдерин буйрутма менен тигем. Кардарларымдын көбү ишкер айымдар. Негизи аял заты бири-бирине окшош кийгенди көп каалабайт эмеспи.
Ошондуктан, ар бири өздөрүнүн табитине, өзгөчө типтеги фасондорго буйрутма беришет. Кардарлар дагы ар кандай болот. Биринин табитине жакса, бирине жакпай калат, кээ бири буйрутма берип туруп жок болуп кетишет.​
Андан сырткары, бөлмө ичтерин жасалгалайм. Бул боюнча эч кандай окуудан өтпөй эле өздөштүргөм»,-дейт ал

Жийде бул кыялындагы иш менен алектенип калганына кайын атасынын колдоосу чоң экенин баса белгилейт.
«Дагы бир айта кетчү нерсе, жолдошумдун ата-энеси атам, апам мени өз кызындай көрүп колдоп турушат. Кайын атам Шамен Марасулов аябагандай чоң колдоо көрсөткөн. Мени​ шыктандырган адамым десем жаңылышпайм. Дайыма мен кыялдарымды атама айтып бөлүшчүмүн. Атам дагы мени өз кызындай жакшы көрүп, кеңештерин айтып, кыялымды орундатты. Бул тигүүчүлүк ишимдин планын түзүп, атама көрсөткөм. Эртеси мага колдоо көрсөтүп тигүүчү​ машина жана башка керектүү жабдыктары менен белек кылган. Атамдын бул белегине аябай сүйүнүп, ыраазы болуп, өзүмө болгон ишенич эки эсе күч алды. Ошондон бери максаттарыма жетүүгө аракет кылуунун үстүндөмүн”,- дейт ишкер айым.

Каарманыбыз аялзаты депрессия учурунда эмне кылуу керектигин өзүнүн башынан өткөн окуясын мисал кылып берди.
«Учурда 2 кыз 1 уулдун апасымын. Үй-булө менен жумушту чогу алып кетиш бир аз оор болот экен. Жолдошум менен ар бир кылган ишимди колдоп турат. Аялзаты төрөттөн кийин көбү үйдөгү кыйынчылыктын артынан депрессияга кабылат. Андан чыгуу үчүн өзүнүн жакшы көргөн иши менен алек болуп, алдына чоң максаттарды коюу керек. Дайыма жаңылануу, изденүү, аракет кылуу зарыл. Мен бул абалдан чыктым деп эсептейм. Балдарымдын удаа төрөлүшүнөн мен дагы өзүмдү таштап, депрессияга кабылгам. Убагында өзүмө ишенип, колго алып ийгиликке жетишем деп максат койгом. Бул нерсеге мага ар турдуу тренингдер, ийгиликтүү адамдардын кеңеши таасир берген»- дейт Жийде Сыдыкова

Мындан ары дагы ишине ийгилик каалап, дүйнөгө таанымал ишкер айымдардан болушуна тилектешпиз.

Маектешкен: Дилде Шатанова