Ат-Башыда дыйкандарга үрөн жеткирүү иши жүрүүдө. Алардын баалары кандай?

Нарын облусунундагы Ат-Башы районунун бардык айылдарында дыйкандарга үрөндөрүн жеткирип берүү иштери жүрүүдө.

Кечээ 31-марттан баштап, Ат-Башы районунда жазгы талаа иштерине даярдыктар кызуу жүрүп, райондун акимдеринин демилгеси менен үйрөөндөр атайын Бишкек шаарынан айыл жергесине чейин жеткирилип берилүүдө.
Үрөндүн баалары:
Арпа 1- кг 18 сом.
Эспарцет 1- кг 75 сом.
Сулуу 1- кг 25 сом.
Горох 1 кг 40 сом

Ат-Башы районунун акиминин биринчи орун басары Максат Кадыркуловдун билдиргенине караганда дыйкандар буга чейин райондун борборундагы базардан келип алып кетишчү.



«Учурдагы кырдаалды эске алып, дыйкан, фермерлерибиз менен даректүү иштеп бир жерге топтобой аларга шарт түзүп, жардам берүү аракетин көрүп жатабыз. Жаздын бир күнү бир жылга тете дегендей айыл өкмөттөр, дыйкандар менен сүйлөшүп буйрутмаларды чогултуп баштаганбыз. Кайсы айыл өкмөткө канча көөлөмдөгү арпа, сулуу, буудай керектигин тактатканбыз. Бишкек шаарындагы үрөн чарбалары менен иштегендер менен кеңешип, ортодон эч кандай акча кошпой, районубуздагы бардык айылдарыбызда арзан баада алып келип берүү боюнча сүйлөшүүлөрдү жүргүзгөнбүз. Дыйкандарыбыз буга чейин үрөндөрдү Ат-Башынын борборундагы чоң базардан сатып алып турган болсо, бүгүнкү күндөгү кырдаалга байланыштуу айыл өкмөттөрүн кайрылууга туура келүүдө. Бааларын дагы биз баарына жарыялаганбыз. Бүгүнкү күнү үрөндөр айылдарга жеткирип баштады»- дейт акимдин орун басары Максат Кадыркулов.
Автор: Дилде Шатанова

Добавить комментарий

Ваш e-mail не будет опубликован.

Этот сайт использует Akismet для борьбы со спамом. Узнайте как обрабатываются ваши данные комментариев.