Ат-Башынын ар бир айылында айлык акы, жөлөк пул, пенсияларын өз айылдарынан берилет

Ат-Башы районунун бардык айылдарында пенсия, пособие, айлык акыларды берүү өз айылдарынын ичинде гана уюштурулат. Бул тууралуу
Ат-Башы районунун акиминин биринчи орун басары Максат Кадыркулов билдирди.


Маалыматка караганда район акиминин биринчи орун басары банк жетекчилери менен атайын жыйын өткөрүп сүйлөшүүлөр жүргүзгөн.

Анын айтымында айыл тургундары атайын райондун борборуна келип карточка менен акчаларын алып кетишчү.

«Бүгүнкү күндөгү кырдаалды баарыбыз эле көрүп жатабыз. Өзгөчө кырдаал учурунда элди көчөгө чыгарбоо, алардын топтошуусуна тыюу салынып жатат. Азыркы тапта пенсия, жөлөк пул, айлык акыларын убагы келип, элдер күтүп жаткан учуру. Негизги элдин дээрлик көпчүлүгү алчу акчаларын атайын карточкага өткөрүп алышкан. Ошол себептен биз дагы аларга шарт түзүп берүү боюнча
Ат-Башы районундагы банктардын жана микрокредиттик компаниялар дын жетекчилери менен айтайын жыйын өткөрүп сүйлөшүүлөр болуп өттү. Бул ишти кандай тартипте алып барарыбызды чогу кеңештик. Районубуздун айрым айылдарында почта бөлүмдөрүндө пост терминалдар бар. Ошол пост терминал дагы акча каражатын үзгүлтүккө учуратпоо боюнча тапшырмалар берилди. Учурдагы кырдаалды туура түшүнүшүп, айлык акы, пенсия байланышту каражаттарын өз убагында жер-жерлерде камсыз кылып беребиз деп убада кылышты. Ал эми пост терминал дары жокайылдарга почтанын өзүнөн алуу мүмкүнчүлүгү бар»- дейт акимдин биринчи орун басары Максат Кадыркулов.

Автор: Дилде Шатанова

Нарында жазгы талаа иштери кызуу жүрүп жатат

Быйыл Нарын облусунда жазгы талаачылык жумуштары эрте башталып, учурда бардык райондордо айдап-себүү өнөктүгү кызуу жүрүп жатат.


Дыйкандын бир күндүк маңдай тери анын үй-бүлөсүнүн жылдык кирешесин камсыздайт. Андыктан облусубуздун дыйкандары жаздын бир да күнүн текке кетирбей пайдаланып калуунун аракетинде.Бул тууралуу Нарын облусундагы ыйгарым укуктуу өкүлүнүн басма сөз кызматы билдирди.

Бүгүн, 7-апрелде Өкмөттүн Нарын облусундагы ыйгарым укуктуу өкүлү Эмилбек Алымкулов Нарын районунда жүрүп жаткан жазгы талаа иштеринин абалын көрүп, дыйкандардан кабар алды.

Облус жетекчиси Жан-Булак айылындагы айдоо аянтында болуп, “Акин” үрөн чарбасынын жана Куланак айылындагы үрөн сактоочу кампанын иши менен таанышты. Үрөн кампаларында арпанын үрөнү жетиштүү болгону менен буудайдын үрөнүнө суроо-талап көп экенин көргөн ыйгарым укуктуу өкүл башка облустардын үрөн чарбаларына сүйлөшүп бул маселени тезинен чечүү жагын тиешелүү кызматкерлерге тапшырды.

Талаачылык жумуштарындагы негизги маселе сугат сууларына байланыштуу болгондуктан облус жетекчиси райондогу “Куланак” жана “Он-Арча” насостук станцияларынын иши менен таанышып, көйгөйлүү жагдайларды сурады. Нарын облустук суу чарба башкармалыгынын башчысы Анарбек Сокеев билдиргендей, райондогу бардык насостук станциялар сугат суусу менен камсыз болгон. Айрым жерлерде ремонт иштери жүрүп жатат. Ал эми 300 километр ички чарбалык каналдарды ашар жолу менен тазалоо пландаштырылган. Ошол каналдар тазаланса суу айдоо аянттарына толугу менен жетет.

Суу чарбасындагы негизги көйгөй катары ремонт иштерине жумшалуучу каражаттын кечиктирилип жаткандыгы айтылды. Эмилбек Алымкулов бул маселе боюнча Өкмөткө бир нече жолу кайрылганын, буюрса жакын арада каражат бөлүнүп берилээрин билдирди.

Айыл чарбасындагы негизги көңүл бурулуп жаткан багыттардын бири-асыл тукум мал чарбаларын көбөйтүү. Жыл башынан бери облус жетекчиси Эмилбек Алымкуловдун демилгеси менен ар бир райондо асыл тукум мал баккан фермердик чарбалар уюштурулган. Облус жетекчиси иш сапарында приоритеттүү мал чарбаларынын иши менен да таанышып, Куланак айылындагы “Адылбек-Ата-АА” жана “Азим-С” мал чарбаларында болду.

Кыдыралиев Адылбек жетектеген “Адылбек-Ата-АА” асыл тукум мал чарбасында “меринос” жана “эдилбай” породасындагы 600 баш кой, сүт жана эт багытындагы 60 баш уй багылууда. Мал ээси Нарын шаарындагы сүт заводуна күнүнө 130-140 литрден сүт өткөрөт. Ал эч жерден насыя албай малдын өзүнөн түшкөн кирешени жумшап, асылдуулугун арттыруу аракетинде.

Ал эми ушул эле айылдагы Абдыжакыпов Султанбек жетектеген “Азим-С” чарбасында 300 баш кой багылып, уяң жүндүү ак койдун тукумун жайылтуу аракети көрүлүп жатат.

Өз аракети менен мал чарбасын өнүктүрүп жаткан фермерлердин эмгегине ыраазы болгон ыйгарым укуктуу өкүл Эмилбек Алымкулов мындай чарбаларды колдоп, жайыт, тоют маселесинен, арзан насыя менен камсыз кылуу, продукцияларын өткөрүп берүү жагынан жардам берүү зарылдыгын жергиликтүү бийлик өкүлдөрүнө тапшырды.

Ыйгарым укуктуу өкүл Эмгекчил айылындагы Ишенбек Мукамбетовдун чарбасында да болуп, малды бордоп семиртүү тажрыйбасын, ошондой эле айылда уюштурулган азык-түлүк кампасын көрдү.

Белгилей кетсек, райондогу жазга талаачылык жумушарынын абалы жаман эмес. Бүгүнкү күнгө чейин 88 гектар жер айдалып бүткөн. Райондун акими Семетей Черикбаев билдиргендей, быйыл жаз эрте келгендиктен айыл чарба жумуштары 15 күнгө эрте башталды. Нарын району боюнча 8507 гектар жер айдалып-себилээри пландалууда. Мунун ичинен 1000 гектарга жакын буудай, 4066 гектарга арпа, 725 гектарга картошка, 104 гектарга жашылча, 1254 гектарга көп жылдык чөп, 1456 гектарга бир жылдык чөп эгилмекчи.

Ал эми облус боюнча алсак, быйыл жазгы талаа өнөктүгүндө жалпы 38,6 миң гектар жер айдоо белгиленүүдө. Анын ичинен 23,9 миң гектарга дан эгиндери, тактап айтканда, 5,2 миң гектарга буудай, 18,4 миң гектарга арпа, 35 гектарга жүгөрү айдалмакчы. Мындан сырткары 6,1 миң гектарга картошка, 470 гектарга жашылча, 8,3 миң гектарга чөп өсүмдүктөрү эгилээри мерчемделүүдө.

Учурда облус боюнча 309 гектар аянт айдалып, анын 116 гектарына буудай, 193 гектарына арпа эгилди.

Автор: Дилде Шатанова

Замандын ую

Куланак айылында бир башкача уй табылды. Ал уйду видеого тартып алган айыл тургуну Каныбек байке менен маек курдук

Видео Куланак ынтымагы WhatsApp группасына салынган соң, видеонун автору Каныбек Өскөналиев менен байланыштык

— Бул уйдун мындай өнөрү бар экенин кантип билдиңиз?
— Буга чейин кошуналар айтса кантип эле деп ишенбей койгом. Анан суу түтүгүн кайтарып туруп, өзүм күбө болдум.

— Кандай реакция болду, уйдун ээси ким
— Таң калдым. Кошуналар калп айтпашканына күбө болдум. Уй кошунамдыкы.

Бул видеону көргөн соң, автордон кийинки күнү да тартып берүүнү сурандык.

Даярдаган: Даткайым Орозакунова

Нарын районунун Жамааттык мультимедиа борборлоруна сынак жарыяланат

Быйыл 2020-жыл Кыргыз Республикасынын Президенти Сооронбай Жээнбековдун жарлыгы менен «Региондорду өнүктүрүү, өлкөнү санариптештирүү жана балдарды колдоо жылы» деп жарыяланган.Жарылыкка ылайык Нарын районунун мультимедиа борборлоруна башкы спонсор «Макый-Дан Бадырак» фирмасынын директору Өмүралиев Бакай Асылбекович тарабынан «Жаш калемгер» жана «Мен жаш журналист» сынагы жарыяланды

Сынактын байге фонду:
1-орун Ноутбук
2-орун Ысык-Көлгө он күндүк эс алуу
3,4-орун смартфон жана башка баалу белектер ойнотулат.
Сынакка окуучуларды кесипке багыт берүү максатында “Мен жаш журналист” жана “Жаш калемгер” аттуу сынагына макала, чыгарма жазган окуучуларды чакырат.
Сынак өзүнүн алгачкы чыгармаларын жарыялоого жана колдоого, алардын чыгармачылык дараметин ишке ашырууга жана балдардын чыгармачылыгы аркылуу өлкөбүздүн маданиятын таанытууга багытталат;

Сынактын мөөнөтү 15-марттан 15-апрелге чейин туура 30 күн, 20-апрелде жеңүүчүлөр аныкталат;

Сынактын милдеттери:

Жөндөмдүү жана таланттуу жаш калемгерди аныктоо жана колдоо;
Чыгармачыл балдардын чыгармачылыгын таанытуу жана жайылтуу
Сынактын шарттары:

Сынакка 3 — класстан 11-класска чейинки мектеп окуучулары катыша алат;

Сынактын катышуучулары макала, аңгеме жазышат жана аудио, видео материал даярдашат;

Улуттун уңгусу анын каада салтында (каада салт, улуттук оюндар, улуттук буюмдар)
Жер суунун аталыштары (тарыхый, кооз жаратылыш жер суу )
Ден соолук – адамдын көркү
Башка планетада досум бар (фантастикалык чыгарма)
Менин айылым (айыл ичиндеги жаңылыктар)
Айыл өнүгүүнү жолунда (ишкердик);

Техникалык талаптар:

Чыгармалар жана макалалар: жазуу, аудио жана видео форматында да кабыл алынат;

6 сүрөттөн ашык болуу жана сүрөт макалага тиешелүү, башка жактарда жарыяланбаш керек
аудионун форматы МР3 жана узактыгы 3 минута
Видеонун форматы МР4 жана узактыгы 3 минута
Макала кыргыз, орус тилдеринде да кабыл алынат

Сынакка катышуунун шарттары:

Ар бир катышуучу ЖМК нын жана Куланак жамаатык мультимедиа борборлорунун фейсбук: Общинные радио и мультимедиацентры Кыргызстана,Куланак Медиа жана инстаграм:
https://www.instagram.com/kulanak_media/?igshid=4o1t129av0g6 баракчаларына катталыш керек;

Ар бир катышуучунун чыгармачылыгына чек жок.

Женичүүнү аныктоо
Канча материал жазылса дагы эң көп окулган жана колдоо алган макала 1 эле макаласы жеңүүчү деп табылат. Демек алдыңкы 3 орун байгеге ээ болот.

Баалоонун критерийлери:
Сынакка катышкан ар бир материал жуманын дүйшөмбүсүнөн – бейшембисине чейин кабыл алынат. Талапка жооп берген макала же чыгарма жума күндөрү өздөрүнүн сайтына жайгаштырылат жана http://kyrgyzmedia.com/ сайттарына жарыяланат. Жарыяланаган материалга «Жаш калемгер» жана «Мен жаш журналист» сынагы үчүн деп белгилениши керек.

Мааламаттык колдоо көрсөткөн: http://kyrgyzmedia.com/

Сынактын координатору жана уюштуруучусу: Дилде Шатанова
Макала тапшыруу жана байланышуу убактылары: 21 00 дон 9 00 чейин
Байланыш үчүн даректер: 0508018278
0708770914
shatanovadilde@gmail.com

Коомчулукта катуу талкуу жараткан китеп баяны Абдылда Аралбаев мектебинде


Мамбетасан Ибраевдин “Эмне үчүн китеп окушубуз керек” аттуу китеби жер — жерлерди кыдырып, “Билим кербенин” өткөзүп жатат. Билим кербени 12 – мартта Куланак айылынын мектебинде болду. Сынакка мектеп ичинен 25 окуучу катышкан алар: 8-класстан 11-класска чейинки жаш өспүрүмдөр

Иш чаранын шарты боюнча окуучуларга 35 суроолуу тестке бир саат убакыт берилген.

Сынак боюнча Курманбек Орозалиев толук маалымат берди:
Нарын казыятында “Билим кербени “ аттуу долбоор ачылган.Ушул иш чарага Нарын областынан үч район катышкан, алар: Ат-Башы,Кочкор,Нарын райондору.Ал эми Нарын ,Кочкор райондорунан 10дон мектеп жана дагы Ат-Башы районунан 21 мектеп катышты.

Биз мындан бир ай мурун Абдылда Аралбаев мектебине келип түшүндүрүү иштерин жүргүзүп, китептерди тапшырып кеткенбиз.Бул китепти каалочулар гана сатып алышкан. Ал эми китеп баасына токтолсок китеп баасы 200сом.

Жеңүүчүлөрдү куру кетирбестен “Биз эмнеге муктажбыз “ аттуу китеп берилди. Эми ушул китеп аркылуу кийинки тур өткөрүлмөкчү.Сынактын шартына токтолсок жаш жеткинчектер китепти окуп чыгып ,андан соң тест берилет.Жана ошондой эле 2-турда 1-орунду алган окуучулар областтык турга өтөт. Ал жерде чоң сыйлыктар күтүп турат.


-китептердин мазмунун айта кетсеңиз.
-“Биз эмне үчүн китеп окуйбуз?”аттуу китеби эмне үчүн китеп окуу керек экендигин үйрөтөт.Жана ошондой эле китеп ичинде көптөгөн белгилүү инсандардын, кантип ийгиликтерди багындыргандары жана китепти көп окууга шыктандыра турган мотиватциялар берилген.Ал эми “Биз эмнеге муктажбыз” аттуу китептин ичинде адам баласы эмнеге муктаж экендиги айтылган.Мисалы :сууга,абага муктаж болушубуз мүмкүн жана дагы ийгиликке жетүүгө муктаж болушубуз мүмкүн эмеспи, мына ушулар тууралуу кеңири баяндалган.

Муну менен бирге окуучуларды көп китеп окууга чакырып, жыйынтыгында 25 окуучунун ичинен 3жеңүүчү аныкталып, байгелер тапшырылды. Жеңүүчүлөр 2-турга жолдомо алышты.
Даярдагандар:Сайкал Эрнисбек кызы
Жамила Калдарова.

Закон алдында өзүнүн маалыматын жарыялоо

Декларация тапшыруу мөөнөтү башталгандан бери салык төлөөчү жарандардын жумушу жылдан жылга жеңилдеп калганын Учкун айыл өкмөтүнүн кирешелер боюнча адиси Саламат Жээналиев баяндап берди

Салык төлөө үчүн, жана декларация тапшыруу үчүн 2012 — жылдан Бери Нарын районуна баруунун кажети жок дедиңиз.Барбай эле декларация тапшыруу үчүн жарандар эмне кылуулары керек.
— «Акыркы жылдары баардык кыймылдын баары эле санириптешүүгө өтүп жатат. Бизде да салык төлөөчү үчүн айыл өкмөтүнө келип эле кадимкидей эле каттоодо турган мал, жер, транспорт салыктарын төлөп кетсе болот. Ал эми декларацияны тапшыруу үчүн электрондук каттоодон өтүп salyk.kg сайтына кирип ар бир жаран тапшыра алат»
— 2012 — жылдан бери электрондук каттоого канча пайыз айлдын калкы өттү?
Учурда калктын канча пайызы декларация тапшырды

— Нарын районуна караштуу Учкун айыл өкмөтүнүн салык төлөөчү жарандардын 80% электрондук патентке өттү. Февраль айынын аягына чейин жеке ишкерлер, мекемелер, дыйкан чарбалардын тапшыруу мөөнөтү. Булар айыл боюнча жалпы эле толугу менен тапшырышты. Эми калган жарандар март айынын аягына чейин тапшыруу керек. Эгер өз убагында налог төлөнүп, декларация тапшырылбаса айып салынат. Жеке жарандар үчүн 1000 сом.
Учурда декларация тапшыруу мөөнөтү, калкка кандай кайрылууңуз бар
— 2, 3 жыл мурункуга караганда декларация тапшыруу үчүн ар бир жаран өзү үчүн келип закон астында жоопту экенин билип тапшырып калышты. Анан баардык маалымат таратуучу каражаттардан эскертүү катары да ар кандай роликтер кетип жатат.Ошентсе да учурдан пайдаланып силердин жардамыңар менен да кулактандыруу катары үйдө эле олтуруп, уюлдук телефон аркылуу тапшыруунун жол жобосун видео аркылуу көрсөтүп коюну туура көрдүм.


Маегиңизге чоң рахмат!
даярдаган: Айзат Түмөнбаева

Учкун айыл өкмөтүндө жарык жок

Нарын районуна караштуу Куланак айылындагы Учкун айыл өкмөтүнүн свети 28-февралда кыркылган. Кыш мезгилинде светтин кыркылышынын себептерин кененирээк баяндайбыз

Учкун айыл өкмөтүнүн башкы бухгалтери Асанбаев Ишенбекке кайрылганда буларга токтолду

— Электр энергиянын өчүп калганынын себеби, биздин счетто акча турат. бирок негедир базасын ачып которо албай жатабыз. Январь февраль айынын жагылган свет үчүн акча каражатын которо албагандыктан өчүргөнгө дуушар болушту. Учурда айыл өкмөтү казынага барып күйгүзүүнүн аракетин кылып жатат. Өчүртпөй калуу үчүн болгон аракетибизди жумшадык. — дейт учурдагы башкы бухгалтер
Ал эми Нарын северо — электр тармагынын коммерциялык бөлүмүнүн жетекчиси буларга токтолду

«Учкун айыл өкмөтүнүн январь февраль айынын электро энергиясы пайдаланылганы учун 650000 сом карыз. Акча төлөнбөгөндүктөн кыркууга туура келди. Негизи буга калтырбай акча которулуш керек. Буга себеп башкы бухгалтер жумушка жаңы орношкону болуп калды.

даярдаган: Наргиз Алтынбек кызы

Куланак: Абдылда Аралбаев орто мектебинин жакшырышына ата-энелер көмөк көрсөтүүдө


Абдылда Аралбаев атындагы орто мектебинде ата-энелер,окуучулар жана мугалимдердин ойлору менен, окуучуларга кантип шарт түзүп беришерин чечүшүүдө. Жыйналышта мектепте билим алууда тоскоолдук жаратып келген 3 көйгөй аныкталды

Абдылда Аралбаев атындагы орто мектебинде ата-энелер менен чогулуш өткөрүлдү. Бул жыйналышта мектепте эмне жетишсиз жана балдардын окуусуна ынгайлуулук керектигин айтышты.
Мектептин шарты бар, бирок кээ бирлери окуучуларга жетишсиз же такыр эле жок болгондуктан кыйналып калып жатабыз дешти окуучулар.

Бул мектепте эмне жетишсиз деген көйгөйлөрдүн арасынан эн эле актуалду болгону 3 маселе аныкталды:
Технология, класстык парталар жана санитария.
Технология азыркы замандын учурунда окуучуларга кереги көп, бирок алып берүүгө каражат жетишсиз. Мектепте компьютер аздыгына байланыштуу компьютерде окуучулар жалгыздан отуруп иштей алышпайт. Компьютерден сырткары мектепте ноутбук дагы жетишсиз. Ушул эле нерселер окуучулардын ойлорунда:
«Эгер биздин мектептин шарты оңолсо окуганга дагы ынгайлуу болмок, бирок азыркы замандын талабына жараша биздин мектепке компьютерлер кененирээк болуп, интерактивный доскалар ар бир класска коюлат деген ишеничтебиз»- деген ойлорун калтырышты.
Экинчи маселе болуп класстык парталар. Өзү айтып жаткандай эле окуучуларга эн негизи керектуу нерсе болуп эсептелет. Бул көйгөйгө мугалимдер өз пикирлерин мындайда калтырышты:

«Мектептеги парталар жана столдор жетиштүү, бирок кээ бир парталардын эскилиги жеткендиктен, чекелер бөлүнүп калууда. Ал эми жаны парталар бир жылга жетет ашып кетсе эки жыл, мунун себеби эмнеде? Айтор, жасалып жаткан материалдан кетүүдө го дейбиз, ошондуктан эски парталардын жаныртууну суранабыз»- дешти мугалимдер.

Үчүнчү маселе санитария. Санитария мектепте бар, бирок ашканадан сырткары башка жерде жок болгондуктан окуучулар кээде суу ичип, кол жуучу жай таппай калышат. Мектепте эн биринчи эле тазалыкты сактоо керек. Бирок ошол нерсени ишке ашыруу учун мектепте шарт жок . Андыктан ар бир класска рокавина болбосо дагы, ашканадан сырткары 1,2 жерге санитария орнотуп берүүнү суранышат.

Бул жыйналышта ар бир ата-эне өз оюн толук түшүндүрүү менен маселени чечишти. Бирок Буга жалгыз гана ата-эне эмес, Нарын облусун дагы агахан фонду 200 мин сом акча болуп берүү менен каралашабыз дешти. Жана биздин үчүнчү маселе болгон санитария Куланак айылынын айыл өкмөтү тарабынан чечилгени жатат деп кабардады мектеп директору: Ч.Абдыкадырова. Ошону менен бир маселени ата-энелер чогулуп өз чөнтөгүнөн акча чыгарып, араларынан колдоо табуу менен чечишерликтерин айтышты.
Жыйналыштын аягында мектеп директору Чынар Абдыкадырова:
Негизи эле мектептин демөөрчүсү бул ата — эне. Быйылкы жылы эмес ар дайым эле ата — энелер колдоп, мектептин техникалык базасын чыңдоодо көмөгү күч экенин баса белгилеп кетти.
Агахан фонду жана көмөкчү чарба (ата — энелер) менен биргеликте мектепке компьютерлер жана заманбап (интерактивный) доска алганга окуучулар жана ата — энелер бир добуштан колдоп беришти.

даярдаган: Анапия Айылчиева

Куланактагы тоо чана

Нарын районуна караштуу Куланак айылынын жаштары 4 сарай чөлкөмүнө барып, жылгаяк тебишет. Бирок быйылкы жылы кар аз жааганга байланыштуу, жылгаяк тебүүдө тосколдуктар жаралууда

Даярдагандар: Сайкал Эрнисбек кызы
Жамила Калдарова

Дүйшөнбек атын эл билбейт

Нарын районуна караштуу Куланак айылынын тургуну, «Жылдын мыкты ишкери — 2019» наамынын ээси, күн — түн дебей кызматта болгон жеке ишкердин аты Дүйшөнбек.Бирок эч ким Дүйшөнбек аты менен аташпай Душка дешет.

Жолдо калган айдоочуларга кызмат көрсөтүп келген жеке ишкер Дүйшөнбек Бейшеналиевтин дөңгөлөк желимдөөчү жайы 24 саат бою кызматта. Себеби Куланак айылы тогуз жолдун томунда жайгашкан. Баетов, Тогуз Торо райондорун Нарын облусу менен байланыштырган жолдун боюнда жайгашкандыктан кардарлар үзүлбөйт.
Тапкан кирешениз кандай, жумушунуз озун озу актайбы?
Жумуш кучоп турганда, жайында 1500сомдон, 2000сомго чейин киреше түшөт. Кунумдук жашообузга жетет. Эн башкысы өзүмдүн ак эмгегим менен иштеп табам.

Жумушунуздун тынымы жок. Үй бүлөнүз, ата -энениз кандай карашат?
Ар дайым колдоп турушат. Тушкон каражатка жетишпеген бумдарды сатып алып жатабыз. Жакында эле Учкун айыл окмотунон «Мыкты ишкер-2019″диплому менен сыйландым? Жана дагы мен ойлойм эн чон жетишкендигим элге кызмат кылуум.
Иште колдонулуучу буюмдар кайдан алынып келинген?Алардын сапаты кандай?

Бизге керектуу буюмдардын баардыгы эле Кытай мамлекетинен алынып келинген. Сапаттары жакшы эле, азыр бардыгы тен эле иштейт

Келечекте алдыга койгон максатарыныз жонундо болушо кетсениз?
Келечекте алдыга койгон максатарым унаа ондоочу жайды кенейтсем деп жатам. Унаа ондоочу жайдын жанына унаанын майын алмаштыруучу жайын ачсамбы деген максатарым бар-деп каарман оз созун жыйынтыктады.

Учурда жеке ишкер өзүнүн гана үй бүлөсүн бакбастан 6 жылдан бери бир кызматкер алып,2 үй бүлөнүн каржы маселесин чечип келет. Ал эми айылдаштарынын жеңил желпи жумуштарын бекер эле жазап берет.
маектешкен: Бегимай Советова